ت. سكاتوۆ يتالياداعى ءتۋرنيردىڭ ەكىنشى اينالىمىنا شىقتى

دۇنيەجۇزىلىك رەيتينگتە 325-ورىندا تۇرعان ت.سكاتوۆ اۋەلى اتالمىش جارىستىڭ ىرىكتەۋ سايىستارىن ءساتتى وتكىزىپ, سوسىن نەگىزگى دوداعا قوسىلدى. ول العاشقى اينالىمدا الەمنىڭ 228-راكەتكاسى, يتاليالىق لورەنتسو گۋستينومەن كەزدەستى.

تارتىستى ماتچتا قازاقستاندىق تەننيسشى 1:6, 7:6 (7:5), 6:0 ەسەبىمەن جەڭىسكە جەتتى.

باسەكە 2 ساعات 33 مينۋتقا سوزىلدى. ت.سكاتوۆ شيرەك فينالعا شىعۋ ءۇشىن الەمنىڭ 193-راكەتكاسى, ارگەنتينالىق رەنتسو وليۆومەن تالاسادى.

تاعى ءبىر قازاقستاندىق, الەمنىڭ 187-راكەتكاسى دميتري پوپكو رەيتينگتە 369-ساتىداعى يتاليالىق فلاۆيو كوبولليدان 6:2, 5:7, 6:7 (3:7) ەسەبىمەن ۇتىلىپ قالدى.

بۇل ويىن ءۇش ساعاتقا جۋىق ۋاقىتقا سوزىلدى.