كامچاتكادا جوعالعان ان-26 جولاۋشىلار ۇشاعىنىڭ قالدىقتارى تابىلدى, دەپ حابارلايدى Egemen.kz.
بۇل تۋرالى «كامچاتكا اۋە كاسىپورنى» كومپانياسىنىڭ باس ديرەكتورى الەكسەي حرابروۆ مالىمدەدى.
ء«يا, ۇشاق قالدىقتارى تابىلدى. قاي جەردە جانە قانداي جاعدايدا تابىلعانىن ايتا المايمىن. وقيعا ورنىنا تاڭەرتەڭ ۇشاق پەن تىكۇشاق ۇشىپ بارادى» دەدى ول.
رف توتەنشە جاعدايلار مينيسترلىگىنىڭ مالىمدەۋىنشە, ۇشاق اۋەجايدان 3,8 شاقىرىم قاشىقتىقتان, پالانا دەگەن ەلدىمەكەنگە جاقىن ماڭنان تابىلعان. اپات بولعان جەرگە 26 قۇتقارۋشى بارا جاتىر.
ۇشاق ەندى قونۋعا بەتالعاندا جارتاسقا سوعىلىپ, وحوت تەڭىزىنە قۇلاپ كەتكەن. ەشتەڭە كورىنبەيتىن اۋا رايى جاعدايىندا, بۇيىردەن جەل سوعىپ تۇرعاندا قونۋعا تىرىسقان ۇشقىش جارتاستى بايقاماي قالعان.
ايتا كەتەيىك, ۇشاقتا 22 جولاۋشى مەن 6 ەكپيپاج مۇشەسى بولعان. امان قالعاندار جوق.