بىرنەشە وڭىردە داۋىلدى ەسكەرتۋ جاريالاندى

نۇر-سۇلتاندا ىستىق, جاۋىن-شاشىنسىز اۋا رايى كۇتىلەدى, كۇندىز + 34 +36, تۇندە +20 +22 گرادۋس بولادى.

الماتىدا كۇندىز +35 +37 گرادۋس, تۇندە +21 +23 گرادۋس, جاۋىن-شاشىن بولمايدى.

شىعىس قازاقستان وبلىسىندا قاتتى ىستىق بولادى. بولجام بويىنشا, اۋا تەمپەراتۋراسى 37 گرادۋسقا جەتەدى.

باتىس قازاقستان وبلىسىندا كەي جەرلەردە نايزاعاي,  بۇرشاق كۇتىلەدى. كۇندىز كەي اۋدانداردا 37 گرادۋسقا دەيىن ىستىق بولادى دەپ كۇتىلۋدە.

سولتۇستىك قازاقستان وبلىسىنىڭ بىرقاتار اۋدانىندا نايزاعاي ويناپ, ەكپىنى سەكۋندىنا 15-20 مەتر بولاتىن جەل سوعادى.

قىزىلوردا وبلىسىندا اۋا تەمپەراتۋراسى 45 گرادۋسقا دەيىن جەتەدى. ءورت قاۋپى وتە جوعارى.

اتىراۋ وبلىسىندا 41 گرادۋسقا دەيىن ىستىق ساقتالادى.