اقتاۋ قالاسىندا شەتەلدىك ينۆەستورلار «جاسىل» سۋتەگى وندىرەتىن زاۋىت سالۋدى جوسپارلاپ وتىر. ايماقتىڭ ينۆەستيتسيالىق الەۋەتىن جانە جوبانى ىسكە اسىرۋ مۇمكىندىكتەرىن زەرتتەۋ ءۇشىن نەمىس-شۆەد Svevind Energۋ GmbH كومپانياسىنىڭ باسشىلىعى مەن تەحنيكالىق كومانداسى ماڭعىستاۋ وبلىسىنا كەلدى, دەپ حابارلايدى Egemen.kz.
ينۆەستورمەن ىسكەرلىك كەزدەسۋگە ونلاين بەينە كونفەرەنتسياعا قر پرەمەر-ءمينيسترىنىڭ ورىنباسارى رومان سكليار قاتىستى. كەلىسسوزدەرگە سونداي-اق قر سىرتقى ىستەر ءمينيسترىنىڭ ورىنباسارى الماس ايداروۆ جانە «KAZAKH INVEST» ۇك» اق باسقارما توراعاسى مەيىرجان يۋسۋپوۆ قاتىستى.
جوبا سۋدى ەلەكتروليزدەۋ جانە تۇششىلاندىرۋ جولىمەن 30 گۆت ەلەكتر ەنەرگياسىنان «جاسىل» سۋتەگىن ءوندىرۋدى كوزدەيدى. جىل سايىن جوبادا 2 ملن تونناعا دەيىن ءونىم وندىرىلمەك. ينۆەستورلاردىڭ ايتۋىنشا, زاۋىتتا وندىرىلەتىن سۋتەكتىڭ ءبىر بولىگىن ەۋروپا ەلدەرىنە مەن قحر-عا ەكسپورتتاۋ جوسپارلانۋدا. قالعان بولىگىن ينۆەستورلار قازاقستاندا ءتۇرلى سالالاردا شيكىزات رەتىندە پايدالانۋ ءۇشىن «جاسىل» اممياكقا وڭدەۋگە نيەتتى. شەتەلدىك بيزنەسمەندەر جوبانى شامامەن 6-10 جىلدىڭ ىشىندە جۇزەگە اسىرماق.