كاناداداعى بريتاندىق كولۋمبيا پروۆينتسياسىندا وتكەن اپتادا بۇرىن-سوڭدى بولماعان ىستىقتىڭ سالدارىنان 700-دەن استام ادام قايتىس بولدى, دەپ حابارلايدى Egemen.kz پروۆينتسيانىڭ باس سوتى ليزا لاپۋينتەنىڭ سوزىنە سىلتەمە جاساپ.
«25 ماۋسىم مەن 1 شىلدە ارالىعىندا ىستىق اۋرا رايى سالدارىنان 719 ادام قازا بولدى», دەدى ول.
رەكوردتىق تەمپەراتۋرا ليتتون قالاسىندا تىركەلدى. ء تىپتى وندا اپتاپ ىستىقتان بارلىق ۇيلەر ورتەنىپ كەتتى. قالا جەر بەتىنەن جويىلدى.
اۋانىڭ جوعارى تەمپەراتۋراسىنان تۋىنداعان ورمان ءورتى 30 ماۋسىمدا بۇكىل قالانى شارپىپ, مىڭعا جۋىق تۇرعىن قاۋىپسىز جەرگە كوشىرىلدى.
اقش-تا دا ىستىق اۋا رايىنىڭ اسەرىنەن ادامدار زارداپ شەككەن. ۆاشينگتون مەن ورەگون شتاتتارىندا 25 ماۋسىمنان بەرى اپتاپ ىستىقتان 79 ادام قايتىس بولدى.