شاعىن جانە ورتا بيزنەستى قولداۋ باعدارلاماسى تالقىلاندى

استانا حالىقارالىق قارجى ورتالىعى «شاعىن جانە ورتا بيزنەستى قولداۋ – ورتا ازيانىڭ دامۋىنىڭ باستى باعىتى» تاقىرىبى بويىنشا پانەلدىك سەسسيا وتكىزدى. 

سەسسياعا قاتىسۋشىلار وڭىردەگى شاعىن جانە ورتا بيزنەستىڭ جاي-كۇيى مەن مۇمكىندىكتەرىن, تسيفرلاندىرۋ, ەلەكتروندىق كوممەرتسيا, كاسىپكەرلەرگە ارنالعان جاڭا قارجى ونىمدەرى مەن سەرۆيستەردى دامىتۋ ماسەلەلەرىن تالقىلادى.

احقو ءباسپاسوز قىزمەتىنىڭ حابارلاۋىنشا, شاعىن جانە ورتا بيزنەستى تسيفرلاندىرۋعا COVID-19 پاندەمياسى كۇشتى سەرپىن بەردى. بايلانىسسىز تولەمدەردىڭ, ەلەكتروندىق كوممەرتسيانىڭ, P2P اۋدارىمداردىڭ جانە تسيفرلىق ەميسسيانىڭ دامۋىن ىنتالاندىردى. ناتيجەسىندە شاعىن جانە ورتا كاسىپورىندار قىزمەتىنە ەلەۋلى وزگەرىس ەندى. سونداي-اق شاعىن جانە ورتا بيزنەستىڭ 82%-ى تاۋار مەن قىزمەتتەردى ينتەرنەتتە ساتۋ مەن ناسيحاتتاۋ جانە جاناسۋسىز تولەمدەردى قابىلداۋ ەسەبىنەن بيزنەس جۇرگىزۋ ءتاسىلىن وزگەرتتى. قازاقستان سمارتفوندى تولەمدەردى قابىلداۋ تەرمينالىنا اينالدىراتىن Visa Tap to Phone تەحنولوگياسىن ورىستەتۋ بويىنشا الەمدىك كوشباسشىعا اينالدى.

ايتا كەتەيىك, تسيفرلىق تولەمدەر سالاسىنداعى الەمدىك كوشباسشى Visa قازاقستانداعى ميكرو, شاعىن جانە ورتا بيزنەستىڭ جاي-كۇيىنە زەرتتەۋ جۇرگىزگەن بولاتىن. ناتيجەسىندە قازاقستانداعى كاسىپكەرلەردىڭ بيزنەستى جۇرگىزۋ ءۇشىن تسيفرلىق مۇمكىندىكتەردى بارىنشا بەلسەندى پايدالاناتىنى انىقتالدى. اتاپ ايتقاندا, 63%-نىڭ سايتى نەمەسە الەۋمەتتىك جەلىدە اككاۋنتى بار, جەلىدە قىزمەتى مەن تاۋارىن جارنامالايدى. 42%-نىڭ ونلاين جانە وفلاين ساتۋ نۇكتەلەرى بار. ال 18%-ى ءونىمدى تەك ونلاين ساتادى.

شارا احقو Fintech Hub Astana Finance Days 2021 حالىقارالىق كونفەرەنتسياسى شەڭبەرىندە ءوتتى.