وبلىستىق ەكولوگيا دەپارتامەنتى ماماندارىنىڭ اقپاراتىنا قاراعاندا, 1 شىلدەدە ساعات 17:40-تا «تەڭىزشەۆرويل» جشس يگەرىپ جاتقان تەڭىز كەن ورنىندا گاز الاۋى جانعان, دەپ حابارلايدى Egemen.kz.
بۇعان مۇناي جەلىسىندەگى اقاۋ سەبەپ بولىپ وتىر.
«ەكىنشى بۋىن زاۋىتىنىڭ مۇناي جەلىسىندە كلاپاننىڭ جابىلۋ سەبەبىنەن زاۋىت جۇمىسى مەن شيكى گازدى جەر قويناۋىنا ايداۋ ءوندىرىسى توقتاتىلدى. ءوندىرىس پەن قىزمەتكەرلەردىڭ قاۋىپسىزدىگىن قامتاماسىز ەتۋ ماقساتىندا وتىن گازى جاعىلدى», دەپ حابارلادى دەپارتامەنتتىڭ ءباسپاسوز قىزمەتى.
ەندى دەپارتامەنت ماماندارى جوسپاردان تىس تەكسەرۋ جۇرگىزبەك. سول كەزدە اقاۋدىڭ سەبەپتەرى مەن وزگە دە مالىمەتتەر انىقتالادى.