ورال قالاسىندا قۇبىر جارىلىپ, سالدارىنان 350-گە جۋىق ابونەنت سۋسىز قالدى, دەپ جازادى Egemen.kz.
«باتىس سۋ ارناسى» جشس ءمالىم ەتكەنىندەي, 30 ماۋسىم كۇنى ساعات 20:00-دە ش.ايتاليەۆ پەن الماتى كوشەلەرىنىڭ قيىلىسىندا سۋ قۇبىرى جارىلعان. قۇدىقتار مەن جەكە تۇرعىن ۇيلەردىڭ اۋلالارىندا سۋ سورۋ جۇمىستارى جۇرگىزىلدى.
«قازىرگى تاڭدا 350-گە جۋىق ابونەنت سۋسىز قالىپ وتىر. تۇرعىندارعا سۋ جەتكىزۋ جۇمىستارى ۇيىمداستىرىلدى. شامامەن 1 شىلدە كۇنى ساعات 22:00-گە دەيىن جۇرگىزىلەتىن وندەۋ جۇمىستارىنا اپاتتىق تەحنيكا, ەكسكاۆاتور, ۆاكۋمدىق ماشينا, متز-82 بازاسىندا سورعى تارتىلعان», دەپ حابارلادى كاسىپورىننىڭ ءباسپاسوز قىزمەتى.