كەنتاۋ-تۇركىستان تاس جولىندا ءتورت اۆتوكولىك سوقتىعىسىپ, ەكى ادام كوز جۇمدى, دەپ حابارلايدى Egemen.kz.
30 ماۋسىمدا تۇركىستان وبلىسى اۋماعىندا ءتورت اۆتوكولىك سوقتىعىستى.
پوليتسەيلەردىڭ انىقتاۋى بويىنشا, كەنتاۋ-تۇركىستان تاس جولىندا Lexus, Volkswagen, Daewoo جانە ۆاز كولىكتەرى سوقتىعىسقان. جول كولىك وقيعاسىنىڭ سالدارىنان Daewoo كولىگىنىڭ جۇرگىزۋشىسى جانە ءبىر جولاۋشىسى وقيعا ورنىندا كوز جۇمدى. وسى كولىكتىڭ تاعى دا ەكى جولاۋشىسى ءتۇرلى دەنە جاراقاتتارىمەن كەنتاۋ قالاسىنىڭ اۋرۋحاناسىنا جەتكىزىلدى.
وقيعا ورنىندا انىقتاۋشىلار مەن كريميناليستەر جۇمىس ىستەۋدە. اتالعان جايت بويىنشا قر قك-ءنىڭ 345-بابى 4-بولىگىمەن سوتقا دەيىنگى تەرگەۋ امالدارى باستالدى. تولىق ءمان-جاي تەرگەۋ بارىسىندا انىقتالادى.