اتىراۋدا كوروناۆيرۋسقا قارسى ۆاكتسينا سالدىرعاندار سانى 83 مىڭنان اسىپ وتىر, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە, 1 اقپان مەن 29 ماۋسىم ارالىعىندا 83 558 ادام «سپۋتنيك V», «QazVac», «Hayat-Vax» ۆاكتسينالارىنىڭ I كومپونەنتىن سالدىرعان. ۆاكتسينالاردىڭ II كومپونەنتىن سالدىرعاندار سانى 46 313 ادامعا جەتتى.
«وڭىردە 29 ماۋسىمدا 1 697 ادام كوروناۆيرۋس ينفەكتسياسىنا قارسى ۆاكتسينالاردىڭ I كومپونەنتىن الدى. ەكپە العانداردىڭ اراسىندا 97 پەداگوگ, مەديتسينا سالاسىنىڭ 66, ارنايى مەكەمەنىڭ 32, قۇقىق قورعاۋ ورگاندارىنىڭ 22 وكىلى, 24 مەملەكەتتىك قىزمەتشى, 23 ستۋدەنت پەن 2 پوليتسەي بار. سونداي-اق سوزىلمالى سىرقاتى بار 100 ادام مەن 1 331 تۇرعىن ۆاكتسينا سالدىردى», دەپ حابارلادى باسقارمانىڭ ءباسپاسوز قىزمەتى.