وبلىستىق سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتىنە سۇيەنسەك, Ashyq جوباسى 26 ساۋىردە ەنگىزىلگەن, دەپ حابارلايدى Egemen.kz.
سودان بەرى جوباعا 402 كاسىپكەرلىك نىسانى قاتىسقان. ال, 61 نىسان جوبا اياسىندا تەستىلىك رەجيمدە جۇمىس ىستەيدى.
«جوباعا قوسىلعان نىساندار كاسىپكەرلىكتىڭ بارلىق سالاسىن قامتىپ وتىر. وڭىردەگى Ashyq جوباسىنا قاتىساتىن نىسانداردا 68 ادام «سارى», 34 ادام, «قىزىل» ستاتۋسىمەن انىقتالدى. سونداي-اق 11-28 ماۋسىم ارالىعىندا Ashyq جوباسىنا قوسىلعان نىسانداردا «قىزىل» ستاتۋسىمەن ءوزىن-ءوزى وقشاۋلاۋ رەجيمىن بۇزعان 17 ادام انىقتالىپ, ەكى تۇرعىن اكىمشىلىك جاۋاپقا تارتىلدى. ولاردىڭ ارقايسىسىنا 87 510 تەڭگە مولشەرىندە ايىپپۇل سالىندى», دەپ حابارلادى دەپارتامەنت ماماندارى.