اتىراۋ وبلىستىق سوتىنىڭ توراعاسى باۋىرجان جۇماعۇلوۆتىڭ مالىمەتىنشە, جاڭا سوت پرەزيدەنت جارلىعىمەن قۇرىلدى. بۇعان ەلىمىزدە اكىمشىلىك ادىلەت ەنگىزۋ سەبەپ بولىپ وتىر, دەپ حابارلايدى Egemen.kz.
«سوت قىزمەتى جەكە جانە زاڭدى تۇلعالاردىڭ مەملەكەتتىك ورگاندارمەن داۋلارىن شەشۋگە باعىتتالادى. وندا اكىمشىلىك قۇقىق بۇزۋشىلىق تۋرالى ىستەر قارالمايدى. اكىمشىلىك قۇقىق بۇزۋشىلىقتار تۋرالى ىستەردى 1 شىلدەدەن باستاپ قايتا اتالاتىن قولدانىستاعى اكىمشىلىك سوت قارايدى. سەبەبى, شىلدە ايىندا ازاماتتار مەن بيزنەستىڭ اكىمشىلىك ورگاندارمەن داۋلارىن شەشۋ ءتارتىبىن رەتتەيتىن جاڭا اكىمشىلىك راسىمدىك-پروتسەسسۋالدىق كودەكس كۇشىنە ەنەدى. جاڭا كودەكس ازاماتتاردىڭ قۇقىقتارىن قورعاۋدى ساپالى دەڭگەيگە كوتەرۋگە باعىتتالىپ وتىر. باستى ماقسات –مەملەكەتتىك ورگاندارمەن داۋلاسۋ كەزىندە جەكە جانە زاڭدى تۇلعالاردىڭ قۇقىقتارى مەن زاڭدى مۇددەلەرىن قورعاۋ. بۇل – ەلىمىزدىڭ تاۋەلسىزدىك تاريحىندا بۇرىن كەزدەسپەگەن وتە ماڭىزدى سوت رەفورماسى», دەيدى ب.جۇماعۇلوۆ.
جاڭا سوت زاماناۋي تەحنيكالىق قۇرىلعىلارمەن جابدىقتالعان. سوت قۇرامىندا توراعا مەن تورت سۋديا بار.