بۇگىن قر پارلامەنتى پالاتالارىنىڭ بىرلەسكەن وتىرىسى ءوتىپ جاتىر. وندا جەتىنشى سايلانعان پارلامەنتتىڭ ءبىرىنشى سەسسياسىنىڭ جۇمىسىن اياقتاۋ قارالۋدا, دەپ حابارلايدى Egemen.kz.
وسى ورايدا سەسسيا رەسمي تۇردە جابىلىپ, دەپۋتاتتار قىركۇيەك ايىنا دەيىنگى كانيكۋلعا كەتەدى. ءماجىلىس توراعاسى قر پارلامەنتى پالاتالارىنىڭ بىرلەسكەن وتىرىسىن شاقىرۋ تۋرالى وكىمگە قول قويدى.
ەسكە سالا كەتەيىك, 23 ماۋسىمدا جەتىنشى شاقىرىلعان پارلامەنت ءماجىلىسىنىڭ ءبىرىنشى سەسسياسىنىڭ سوڭعى جالپى وتىرىسى ءوتتى.
وسىعان وراي, ءماجىلىس توراعاسى نۇرلان نىعماتۋلين وتكەن سەسسيا جۇمىسىن قورىتىندىلادى.
سونىمەن قاتار 24 ماۋسىمدا سەنات توراعاسى ماۋلەن اشىمباەۆ سەسسيا جۇمىسىنا قاتىستى پىكىر بىلدىرگەن بولاتىن.
«پارلامەنتتىك كانيكۋل كەزەڭىندە دەپۋتاتتاردىڭ جۇمىسى توقتاپ قالمايتىنى بەلگىلى. سىزدەر وڭىرلەرگە بارىپ, حالىقپەن, جۇرتشىلىقپەن كەزدەسەسىزدەر. سونىڭ اياسىندا جەرگىلىكتى جەرلەردەگى پروبلەمالاردى زەردەلەپ, سىندارلى ۇسىنىستار جيناقتايسىزدار. ونىڭ بارلىعى دا الداعى دەپۋتاتتىق قىزمەتىمىزگە نەگىز بولاتىنى ءسوزسىز», دەدى م. اشىمباەۆ.