ۇلىبريتانيانىڭ استاناسى – لوندوندا جۇلدە قورى 35 000 000 فۋنت-ستەرلينگتى قۇرايتىن «ۋيمبلدون» ءتۋرنيرى باستالدى. بۇل جارىستا الەمنىڭ بارلىق مىقتى ويىنشىلارى ونەر كورسەتۋدە, دەپ حابارلايدى Egemen.kz.
قازاقستاننىڭ تەننيسشىلەرى اراسىندا العاشقى بولىپ ەلەنا رىباكينا كورتقا شىقتى. الەمدىك رەيتينگتە 20-ورىندا تۇرعان جەرلەسىمىز تۇساۋكەسەر كەزدەسۋىندە كريستينا ملادەنوۆيچپەن شەبەرلىك بايقاستى. 28 جاستاعى فرانتسيانىڭ وكىلى وسىدان ءۇش-ءتورت جىل بۇرىن WTA تىزىمىندە «توپ-10» ويىنشىنىڭ قاتارىنا ەنگەن. كەزىندە ول «رولان گارروس» پەن اقش-تىڭ اشىق بىرىنشىلىگىنىڭ شيرەك فينالىنا دەيىن جەتتى. قازىرگى كەزدە ملادەنوۆيچ ۇزدىكتەر رەيتينگىندە 62-ساتىعا جايعاستى. 56 مينۋتقا سوزىلعان قوس سپورتشى اراسىنداعى باسەكە 6:4, 6:0 ەسەبىمەن رىباكينانىڭ پايداسىنا شەشىلدى. ەندى ەلەنا جاپونيالىق ميساكي دوي مەن امەريكالىق كلەر ليۋ اراسىنداعى كەزدەسۋدىڭ جەڭىمپازىمەن كۇش سىناسادى.
كەشە زارينا دياس لاتۆيالىق اناستاسيا سەۆوستوۆامەن كەزدەسسە, قازاقستاننىڭ قوس تەننيسشىسى – الەكساندر بۋبليك پەن ميحايل كۋكۋشكين ءوزارا سايىسقا ءتۇستى. ال بۇگىن يۋليا پۋتينتسەۆا ۋكراينالىق ليۋسيا تسۋرەنكومەن ايقاسادى.