پاۆلوداردا ەكى كولىك سوقتىعىسىپ, سونىڭ سالدارىنان وقيعا ورنىندا جۇرگىزۋشى مەن جولاۋشى قازا تاپتى, دەپ حابارلايدى Egemen.kz.
«27 ماۋسىمدا ساعات 02.55-تە پاۆلودار قالاسىنداعى استانا جانە ەسەناليەۆ كوشەلەرىنىڭ قيىلىسىندا «تويوتا ۆيندوم» جانە «لادا گرانتا» اۆتوكولىكتەرى سوقتىعىستى. جول اپاتى سالدارىنان «لادا گرانتا» اۆتوكولىگىنىڭ جۇرگىزۋشىسى مەن جولاۋشىسى وقيعا ورنىندا كوز جۇمدى», دەدى پاۆلودار وبلىستىق پوليتسيا دەپارتامەنتى باستىعىنىڭ ءبىرىنشى ورىنباسارى جاسقايرات قايىروۆ.
ۆەدومستۆونىڭ ءباسپاسوز قىزمەتىنىڭ مالىمەتىنە سۇيەنسەك, كولىكتەر ايىپ تۇراعىنا جەتكىزىلدى. قىلمىستىق باپ بويىنشا سوتقا دەيىنگى تەرگەۋ باستالدى.