قالالىق جاعاجايدا دەمالۋ كەزىندە قوستاناي تۇرعىنى ەكىنشى قوستانايلىق ازاماتتى ۇرىپ ولتىرگەن. بۇل فاكتىنى قوستاناي وبلىسىنىڭ پوليتسيا دەپارتامەنتىنىڭ ءباسپاسوز قىزمەتى راستادى, دەپ حابارلايدى Egemen.kz.
«الدىن الا تەرگەۋ بارىسىندا بۇل كۇنى ءۇش ەر ادامنىڭ قالالىق جاعاجاي ايماعىنا شومىلۋعا كەتكەنى انىقتالدى. وسىدان كەيىن ولاردىڭ بىرەۋى مەن ولارعا جاقىنداعان جابىرلەنۋشى اراسىندا جانجال تۋىنداپ, سالدارىنان 23 جاستاعى جىگىت سوڭعىسىنا قولىمەن بىرنەشە سوققى جاساعان. بەيتانىس ادام دەنە جاراقاتىنان قايتىس بولادى», دەپ حابارلادى پوليتسيا.
قازىرگى ۋاقىتتا سوتقا دەيىنگى تەرگەۋ جالعاسىپ جاتىر.
قىلمىستىق ءىس شەڭبەرىندە سوت ساراپتامالارىن جۇرگىزۋ جانە كىنالى ادامدى قىلمىستىق جاۋاپكەرشىلىككە تارتۋ ماقساتىندا جەدەل تەرگەۋ شارالار كەشەنىن جۇرگىزۋ جوسپارلانعان.
كۇدىكتى قوستاناي قالاسى پب ۋاقىتشا ۇستاۋ يزولياتورىنا قامالدى.
وبلىس ورتالىعىنىڭ 27 جاستاعى تۇرعىنىنىڭ قايتىس بولۋ فاكتىسى بويىنشا قوستاناي پوليتسيا باسقارماسى قىلمىستىق كودەكستىڭ 106-بابىنىڭ 3-تارماعى نەگىزىندە (ابايسىزدا جابiرلەنۋشiنiڭ ولىمىنە اكەپ سوققان ءىس-ارەكەت) سوتقا دەيىنگى تەرگەۋدى جۇرگىزۋدە.