Our World in data عالامدىق دەرەكتەرىنىڭ عىلىمي ونلاين-باسىلىمى الەم ەلدەرىنىڭ حالىقتى ۆاكتسينالاۋ دەڭگەيى تۋرالى كەزەكتى رەيتينگ جاريالادى. قازاقستان جاڭا رەيتينگتە 18 ورىنعا العا جىلجىعان, دەپ حابارلايدى Egemen.kz.
ەلدەگى ۆاكتسينانىن ەكى كومپونەنتىن دە تولىق العان تۇرعىنداردىڭ ۇلەسى ءساۋىر ايىنىڭ سوڭىندا 9,4% بولعان. سانمەن الساق, بۇل 1,79 ملن ادام دەگەن ءسوز.
ناۋقان باستالعاننان بەرى ءاربىر ونىنشى قازاقستاندىق ۆاتسينا الىپ ۇلگەرگەن.
21-24 ماۋسىمداعى مالىمەتتەر بويىنشا ۆاكتسينالاۋ ناۋقانىنىڭ ءابسوليۋتتى كوشباسشىسى قىتاي بولىپ وتىر. مۇندا ۆاكتسينانى 223 ميلليوننان استام ادام العان. بىراق حالىقتىڭ جالپى سانىنا شاقسا, بۇل ەل ازاماتتارىنىڭ تەك 15%-ى عانا.
كوشباسشىلار ۇشتىگىندە اقش بار. بۇل ەلدە ۆاكتسينا العاندار سانى 150 ميلليوننان اسادى. ءۇشىنشى ورىندا ءۇندىستان تۇر. بۇل مەملەكەتتە 51 ميلليوننان استام ازامات نەمەسە حالىقتىڭ 3,7%-ى ەكپە العان.