شىمكەنتتە الكوگول ءونىمىن قولدان جاساپ ساتاتىن 4 استىرتىن تسەح انىقتالدى, دەپ حابارلايدى Egemen.kz.
الكوگول ونىمدەرىن قولدان جاساۋدىڭ سالدارى مەملەكەتكە ەكونوميكالىق زيان كەلتىرىپ قانا قويماي, ادام دەنساۋلىعىنا ەلەۋلى قاۋىپ توندىرەدى.
كونترافاكتىلىك الكوگولدى ءىشۋ مۇگەدەكتىككە, كەيدە بۇكىل الەم بويىنشا جۇزدەگەن مىڭ ادامنىڭ ولىمىنە اكەلەدى.
شىمكەنت قالاسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ قىزمەتكەرلەرى جەدەل-تەرگەۋ شارالارىنىڭ ناتيجەسىندە سۋرروگات الكوگول ءونىمىن وندىرەتىن 4 استىرتىن تسەح قىزمەتىنىڭ جولىن كەستى.
تەكسەرۋ بارىسىندا 19 مىڭ بوتەلكە ءتۇرلى ماركالى الكوگول ءونىمى, 75 ليتر سپيرت, 13,4 توننا ءسپيرتى بار سۇيىقتىق, 5 مىڭنان استام جانە 1 وراما ەسەپكە الۋ-باقىلاۋ ماركالارى تابىلىپ, تاركىلەندى.
سونداي-اق كونترافاكتىلىك ونىمدەردى قۇيۋعا ارنالعان ءتۇرلى جابدىقتار تاركىلەندى.
شىمكەنت قالاسى بويىنشا مەملەكەتتىك كىرىستەر دەپارتامەنتىنىڭ قورىتىندىسىنا سايكەس 4 استىرتىن تسەحتىڭ ۇيىمداستىرۋشىلارى مەملەكەتكە 9 ملن تەڭگەگە جۋىق شىعىن كەلتىرگەن.
ءۇش فاكتى بويىنشا قر قىلمىستىق كودەكسىنىڭ 233-بابىنىڭ 2-بولىگى بويىنشا تەرگەۋ امالدارى جۇرگىزىلۋدە, ءبىر فاكتى بويىنشا كۇدىكتى كىناسىن تولىعىمەن مويىنداپ, زالالدىڭ ورنىن تولتىردى.