شقو وبلىستىق پوليتسيا دەپارتامەنتىنىڭ حابارلاۋىنشا, 20 ماۋسىمدا ساعات 23:00 شاماسىندا «ۆاز-212014» اۆتوكولىگىنىڭ يەسى 38 جاستاعى ەر ادامدى باسىپ كەتتى, دەپ حابارلايدى Egemen.kz.
20 جاستاعى جىگىت وسكەمەن – سەمەي تاسجولىمەن وبلىس ورتالىعى باعىتىندا كەلە جاتىپ, نۇرلىكوش اۋىلىنىڭ ماڭىندا ەر ادامدى قاعىپ كەتتى.
«اپات سالدارىنان ەر ادام جاراقاتتارىنان سول جەردە قايتىس بولدى. اتالعان فاكت بويىنشا قر قىلمىستىق كودەكسىنىڭ 3-بولىگى 345-بابى بويىنشا سوتقا دەيىنگى تەرگەۋ باستالدى», دەپ حابارلادى پوليتسيادان.
قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە, بىرقاتار سوت ساراپتاماسى تاعايىندالدى, ولاردىڭ ناتيجەلەرى بويىنشا پروتسەسسۋالدىق شەشىم قابىلدانادى.