22 ماۋسىم كۇنى الماتىنىڭ المالى اۋدانى كلوچكوۆ كوشەسىندە تاڭعى ساعات 10:00-دەن تۇسكى ساعات 13:00-گە دەيىن جوسپارلانعان انتيتەررورلىق وقۋ-جاتتىعۋ وتكىزىلەدى, دەپ حابارلايدى Egemen.kz.
وقۋ-جاتتىعۋدىڭ باستى ماقساتى – ادام كوپ جينالعان جەردە تەررورلىق قاۋىپ تونگەن جاعدايدا ءوزارا ءىس-ارەكەت داعدىسىن جەتىلدىرۋ.
وقۋ مىندەتتەرى تەرروريستىك كوزقاراسقا وسال نىساندارداعى تەرروريزم اكتىسىنىڭ جولىن كەسۋ مەحانيزمىن دامىتۋعا باعىتتالعان.
حابارلانعانداي, وقۋ-جاتتىعۋ كەزىندە ءجۇرىس-تۇرىستى شەكتەۋ شارالارى قاراستىرىلادى.
سول سەبەپتى قالانىڭ تەرروريزمگە قارسى جەدەل شتابى تۇرعىنداردان اتقارىلىپ جاتقان امالدارعا تۇسىنىستىكپەن قاراپ, قاۋىپسىزدىك ەرەجەلەرىن ساقتاپ, جاتتىعۋعا قاتىساتىن مەملەكەتتىك ورگان قىزمەتكەرلەرىنىڭ زاڭدى تالاپتارىن ورىنداۋدى سۇرايدى.
سونداي-اق قر اقبك 443 بابىنا سايكەس, قوعامدىق ءتارتىپتى قامتاماسىز ەتۋگە قاتىساتىن ادامنىڭ زاڭدى تالابىنا باعىنباۋ اكىمشىلىك جاۋاپكەرشىلىككە اكەپ سوقتىراتىنىن ەسكەرۋ قاجەت.