اقسۋدا ۆەلوسيپەدتەگى بالانى كولىك قاعىپ كەتتى, دەپ حابارلايدى Egemen.kz.
وبلىستىق پد ءباسپاسوز قىزمەتىنىڭ مالىمەتىنشە, 17 ماۋسىم كۇنى ساعات 17:10-دا اقسۋ قالاسىنداعى سترويتەلەي كوشەسىندەگى ۇيگە قاراما-قارسى «ۆاز 21112» اۆتوكولىگىنىڭ 21 جاستاعى جۇرگىزۋشىسى جول بويىندا رۇقسات ەتىلمەگەن جەردە ۆەلوسيپەدپەن كەلە جاتقان بالانى قاعىپ كەتكەن.
«جول-كولىك وقيعاسى سالدارىنان ۆەلوسيپەدتەگى بالا جاراقات الىپ, اۋرۋحاناعا جەتكىزىلدى. اۆتوكولىك ارنايى ايىپ تۇراعىنا قويىلدى», دەلىنگەن حابارلامادا.
جكو فاكتىسى بويىنشا تەكسەرۋ جۇرگىزىلۋدە.