بۇل تۋرالى اتىراۋ وبلىسىنىڭ اكىمى ماحامبەت دوسمۇحامبەتوۆ ءمالىم ەتتى, دەپ حابارلايدى Egemen.kz.
اكىمنىڭ مالىمەتىنشە, اتىراۋدا 385 نىسان «Ashyq» جوباسىنا قوسىلدى.
ء«بىزدىڭ وبلىس 26 مامىردان بەرى «سارى ايماققا» ەندى. قازىر ينفەكتسيالىق توسەك-ورىننىڭ جۇكتەمەسى 16 پايىزدى قۇرايدى. ەم الىپ جاتقان ناۋقاستاردىڭ سانى – 337. وبلىستا 12 ستاتسيوناردا 2 098 ناۋقاسقا ارنالعان ينفەكتسيالىق توسەك-ورىن جاساقتالعان. ونىڭ 81-ءى رەانيماتسيالىق ورىن. قوسىمشا 750 رەزەرۆتىك توسەك-ورىن دايىندالدى», دەدى ماحامبەت دوسمۇحامبەتوۆ.
ونىڭ ايتۋىنا قاراعاندا, 1 اقپاننان بەرى وڭىرگە 111 200 دوزا ۆاكتسينا جەتكىزىلدى. قازىر وبلىستا ۆاكتسينا سالاتىن 41 ەكپە بەكەتى اشىلدى.
«بۇگىندە 69 304 ادام ۆاكتسينانىڭ I كومپونەنتىن, 27 569 ادام II كومپونەنتىن سالدىردى. وڭىردە قازىرگى كەزدە 385 سۋبەكت «Ashyq» قوسىمشاسىن ەنگىزىپ, QR-كودپەن جۇمىس ىستەۋدە», دەدى وبلىس اكىمى.