العاش رەت سولتۇستىك-شىعىس افريكادان (مىسىر) قازاقستانعا (قوستاناي ستانساسى) قۇرىلىس ماتەريالدارى تيەلگەن 40 فۋتتىق التى كونتەينەر كەلدى. جونەلتۋ جۇمىستارىن «كTZ Express» اق فيليالى حالىقارالىق سما CGM تەڭىز جەلىسىمەن بىرلەسە ۇيىمداستىردى.
جۇك مىسىرلىق الەكساندريا پورتىنان گرۋزيالىق پوتي پورتىنا دەيىن تەڭىز ارقىلى جونەلتىلدى. ودان ءارى قاراي تەمىرجولشىلار جۇكتىڭ جەتكىزىلىمىن ترانسكاسپيلىك حالىقارالىق كولىك باعدارى (تحكب) بويىنشا ۇيىمداستىردى. جولداعى ۋاقىت 25 كۇندى قۇرادى.
بۇدان بۇرىن جۇكتەر افريكا ەلىنەن رەسەيلىك پورتتار ارقىلى جەتكىزىلىپ كەلگەن ەدى. «KTZ Express» اق باسەكەگە قابىلەتتى باعا مەن ساپالى سەرۆيستى ۇسىنا وتىرىپ, كليەنتتى تحكب باعدارىنا تارتا الدى. بۇل اتاۋلى وقيعا ەۋرازيا قۇرلىعى مەن افريكا اراسىنداعى حالىقارالىق دالىزدە جۇك اعىنىن ۇلعايتۋ ءۇشىن تىڭ مۇمكىندىكتەر اشتى.
قازىرگى كەزدە «KTZ Express» اق باسشىلىعى مەن مىسىر اراب رەسپۋبليكاسى ەلشىلىگىنىڭ وكىلدەرىمەن اتالعان باعداردا جۇك اعىنىن ۇلعايتۋ جانە تاسىمالدى دامىتۋ بويىنشا جۇمىستار جۇرگىزىلۋدە. مىسىردىڭ ءىرى پورتتارى افريكا ەلدەرى ءۇشىن قاقپا رەتىندە قاراستىرىلىپ وتىر.