جامبىل وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ جد-158/7 توتەنشە قاۋىپسىز مەكەمەسىنىڭ قىزمەتكەرلەرى ۇلتتىق ۇلاننىڭ اسكەري قىزمەتشىلەرىمەن بىرگە ءىرى سالەمدەمەنى تاركىلەدى, دەپ حابارلايدى Egemen.kz.
جەكە كاسىپكەردىڭ بىرىنە تيەسىلى اۆتوكولىكتى تەكسەرۋ كەزىندە كولونيا قىزمەتكەرلەرى كەسىلگەن اعاش ماتەريالدارىنىڭ اراسىنان جاسىرىلعان 52 بىرلىك ۇيالى بايلانىس قۇرالدارىن (27 سمارتفون مەن 25 تۇيمەلى ۇيالى تەلەفون) تاۋىپ الىپ, زاڭسىز ارەكەتتىڭ جولى كەستى.
سالەمدەمە فولگاعا مىقتاپ جاسىرىلىپ, اعاش بلوكتارعا مورلەنگەن. الدىن الا مالىمەتتەر بويىنشا, تاركىلەنگەن تەلەفونداردى وسى كولونياداعى سوتتالعاندار اقشاعا تاپسىرىس بەرگەن. ال جەتكىزۋشى رەجيمدىك وبەكت اۋماعىندا ورنالاسقان جەكە كاسىپكەرلىكتىڭ ديرەكتورى بولدى. جۇمىس ىستەۋشى كاسىپورىن 2021 جىلعى اقپاننان باستاپ ماماندانعان اعاش وڭدەۋمەن اينالىسىپ, سوتتالعانداردى جۇمىسپەن قامتيدى. بۇگىندە مۇندا 25 سوتتالعان جۇمىسقا ورنالاستىرىلدى.
– التى اي ىشىندە جد-158/7 توتەنشە قاۋىپسىز مەكەمەسىندە كولونيانىڭ بۇكىل تاريحىندا تىيىم سالىنعان زاتتاردىڭ رەكوردتىق سانى (137 ۇيالى تەلەفون, 14 سيم-كارتا, 26 زاريادتاۋ قۇرىلعىسى, بەس باتارەيا, 15 جۇپ قۇلاققاپ جانە ەكى USB-اداپتەر) الىندى. سوڭعى ۋاقىتتا ارام پيعىلدى جەكە كاسىپكەرلەرمەن سوتتالعاندار اراسىنداعى جيىلەپ كەتكەن زاڭسىز مامىلەلەر باقىلاۋدى كۇشەيتۋدى جانە كاسىپورىنداردىڭ قىزمەتىن تۇراقتى تەكسەرۋدى تالاپ ەتەدى. مەكەمەنىڭ باقىلاۋ-وتكىزۋ پۋنكتىنىڭ ء(بوپ) جۇمىسىن, ونى ۇستاۋ رەجيمىن جانە ءپاترۋلدى كۇشەيتۋگە قاراماستان, زاڭ بۇزۋشىلار ولاردى رەجيمدىك وبەكتىنىڭ اۋماعىنا جەتكىزۋدىڭ ءتۇرلى ايلا-امالدارىن ويلاستىرادى. سونىمەن قاتار ۇلكەن اۆتوكولىكتەردى تەكسەرۋ جابدىقتارىنىڭ جوقتىعىنا قاراماستان, مەكەمە قىزمەتكەرلەرى جەدەل اقپارات بويىنشا تىيىم سالىنعان زاتتاردى وزدەرى انىقتايدى, – دەپ اتاپ ءوتتى جامبىل وبلىسى بويىنشا قاجد باستىعىنىڭ مىندەتىن اتقارۋشى تەڭىزجان جانىبەكوۆ.
قاجد باسشىلىعى اتاپ وتكەندەي, بۇل ءبىرىنشى جاعداي ەمەس. وسىعان ۇقساس وقيعا اعىمداعى جىلدىڭ ءساۋىر ايىندا ورىن الدى, وندا 85 ۇيالى تەلەفون تابىلىپ, تاركىلەندى. سونىمەن قاتار ءتارتىپ بۇزۋشىلار سول جۇيە بويىنشا جۇمىس ىستەدى. ولار ونى اعاش جەتكىزۋ سىلتاۋىمەن تاسىمالداپ, بىراق وتكەن جىلدىڭ قازان ايىنان باستاپ كولونيا اۋماعىندا جۇمىس ىستەيتىن باسقا اعاش وڭدەۋ كاسىپورنى ءۇشىن الىپ جۇرگەن.
كاسىپورىن يەسى قازاقستان رەسپۋبليكاسى اقبتك-ءنىڭ 481-بابى بويىنشا اكىمشىلىك جاۋاپكەرشىلىككە تارتىلدى, جەكە كاسىپكەرلىكپەن كەلىسىم شارت بۇزىلدى.