تۇركىستان وبلىسىندا كانالدان 6 جاسار بالانىڭ ءمايىتى تابىلدى, دەپ حابارلايدى Egemen.kz.
قايعىلى وقيعا كەلەس اۋدانى اباي اۋىلىندا بولعان. ءبۇلدىرشىن 13-ءشى ماۋسىم كۇنى كەشقۇرىم ۋاقىتتا بەلگىسىز جاعدايدا جوعالىپ كەتكەن.
كۋاگەرلەر 2015 جىلى تۋعان بالانى سوڭعى رەت كانال ماڭىندا ويناپ جۇرگەندە كورگەن ەكەن. 3 كۇنگە سوزىلعان ىزدەۋ ناتيجەسىندە قۇتقارۋشىلار بالانىڭ دەنەسىن وشاقتى كانالىنان تاۋىپ, ءمايىتتى سۋدان شىعاردى.
«اۋداندىق توتەنشە جاعداي بولىمىنە حابارلاسىپ, ارنايى سۋدان قۇتقارۋ جاساعى شاقىرتىلعان. 15 ماۋسىم كۇنى تاڭعى ساعات 9:45-تە بالانىڭ دەنەسى تابىلىپ, سۋدان شىعارىلدى. بۇگىنگى تاڭدا بولىپ جاتقان جاعدايلاردىڭ نەگىزگى سەبەپتەرى - رۇقسات ەتىلمەگەن جەرلەردە شومىلۋ جانە بالالاردىڭ اتا-انانىڭ قاراۋىنسىز قالۋى», دەيدى تۇركىستان وبلىستىق تجد ازاماتتىق قورعانىس باسقارماسىنىڭ باستىعى قانات قارابالاەۆ.