شقو ءتجد باسپاسوز قىزمەتىنىڭ مالىمەتىنشە, قۇتقارۋشىلارعا تىنىشپاەۆ كوشەسىندەگى 1950 جىلى سالىنعان جاتاقحانانىڭ توبە جابىندىسى قۇلاعانى تۋرالى حابار تۇسكەن, دەپ حابارلايدى Egemen.kz.
«وقيعا ورنىنا جەدەل جەتكەن قۇتقارۋشىلار 2 تۇرعىندى ەۆاكۋاتسيالادى. 10 ازامات سول جەردەن ءوز بەتىمەن شىعىپ ۇلگىرگەن. كينولوگيالىق قىزمەت وكىلدەرى الەسيا لاقاپ اتتى ءيتتىڭ كومەگىمەن جاتاقحانادا زارداپ شەككەندەردىڭ بار-جوعىن مۇقيات تەكسەردى», دەپ حابارلادى ۆەدومستۆو وكىلدەرى.
بەلگىلى بولعانداي, قازا بولعاندار مەن زارداپ شەككەندەر جوق. توبە جابىندىسىنىڭ قۇلاعان اۋماعى شامامەن 8 شارشى مەتردى قۇراعان. الدىن الا مالىمەت بويىنشا ۇيدە 50 ادام تۇرادى. قازىرگى ۋاقىتتا وقيعا ورنىن پوليتسيا قىزمەتكەرلەرى قورشاپ تاستادى. كوميسسيا مۇشەلەرى جۇمىس جۇرگىزۋدە.