وبلىستىق سپورت جانە دەنە شىنىقتىرۋ باسقارماسى ءباسپاسوز قىزمەتىنىڭ اقپاراتىنا سۇيەنسەك, 4-8 ماۋسىمدا تاشكەنت قالاسىندا قويان-قولتىق ۇرىستان الەم چەمپيوناتى وتكەن, دەپ حابارلايدى Egemen.kz.
«الەم چەمپيوناتىنا 38 ەلدەن 240 سپورتشى قاتىستى. اتىراۋلىق سپورتشى حايدار ەسەنعاليەۆ ءوزىن-ءوزى قورعاۋ بويىنشا اۋىر سالماقتا باق سىنادى. ول قىرعىز رەسپۋبليكاسىنىڭ قوس سپورتشىسى مەن رۋمىنيانىڭ وكىلدەرىن ۇتتى. ال, جارتىلاي فينالدا وزبەكستان سپورتشىسىنا ەسە جىبەردى. ءسويتىپ, ول الەم چەمپيوناتىنىڭ قولا جۇلدەسىن يەلەندى», دەپ حابارلادى باسقارمانىڭ ءباسپاسوز قىزمەتى.
حايدار ەسەنعاليەۆ – قويان-قولتىق ۇرىستان اتىراۋ وبلىسىنىڭ اعا جاتتىقتىرۋشىسى. الەم جانە ازيا چەمپيوندارىن دايىنداپ شىعارعان.