الەم بويىنشا ازىق-ت ۇلىكتىڭ قىمباتتاۋى سوڭعى 10 جىلدىڭ رەكوردتىق كورسەتكىشىنە جەتتى. بۇل تۋرالى ساۋدا جانە ينتەگراتسيا ءمينيسترى باقىت سۇلتانوۆ ايتتى, دەپ حابارلايدى Egemen.kz.
«ازىق-ت ۇلىك باعاسىنىڭ ءوسۋى بۇكىل الەمدە بايقالادى. بىرىككەن ۇلتتار ۇيىمىنىڭ ازىق-ت ۇلىك جانە اۋىل شارۋاشىلىعى قۇرىلىمىنىڭ دەرەكتەرىنە سايكەس, بيىلعى مامىر ايىنداعى باعالار وتكەن جىلدىڭ سايكەس كەزەڭىمەن سالىستىرعاندا 40%-كە وسكەن. بۇل سوڭعى 10 جىلدىڭ رەكوردتىق كورسەتكىشى بولىپ وتىر», دەدى ساۋدا ءمينيسترى بۇگىنگى ۇكىمەت وتىرىسىندا.
ونىڭ ايتۋىنشا, باعانىڭ قىمباتتاۋى كورشىلەس ەلدەردە دە بايقالادى. ماسەلەن, رەسەيمەن سالىستىرعاندا قازاقستاندا كوپتەگەن تاۋارلار بويىنشا باعا ءوسىمى تومەن.
«وكىنىشكە وراي, الەمدىك نارىق بىزگە دە اسەر ەتتى. بىراق, بىزدە ىشكى نارىقتاعى سۇرانىس پەن ۇسىنىستىڭ تەڭگەرىمسىزدىگىنە اكەلەتىن قوسىمشا پروبلەمالار بايقالادى», دەدى باقىت سۇلتانوۆ.