ماجارستاندا ءوتىپ جاتقان دزيۋدوشىلاردىڭ الەم چەمپيوناتىنىڭ ءتورتىنشى جارىس كۇنى ەرلەر 81 كيلو جانە ايەلدەر 63 كيلو سالماق دارەجەسىنىڭ جۇلدەلەرىن ساراپقا سالدى, دەپ حابارلايدى Egemen.kz.
بۇگىن قازاقستاننىڭ ءبىر عانا بالۋانى بوز كىلەمگە شىقتى. ول – ديدار حامزا. كەزىندە ريو وليمپياداسىندا ونەر كورسەتىپ, ازيا ويىندارىندا باس جۇلدەنى ولجالاعان قانداسىمىز بۋداپەشتە ءوزىن جاقسى قىرىنان كورسەتە المادى. تۇساۋكەسەر كەزدەسۋىندە ليۆاندىق ناسيف ەلياستى جەڭگەن حامزا كەلەسى كەزەڭدە بولگاريالىق يۆايلو يۆانوۆقا ەسە جىبەردى. ءسويتىپ, جەرلەسىمىز ءۇشىن بۇل جارىس اياقتالدى. ال قىزدارىمىز بۇگىن تاتاميگە شىققان جوق.