«Ashyq» جوباسى اياسىندا جۇمىس ىستەيتىن كاسىپكەرلەردىڭ ءتىزىمى كۇن سايىن ارتىپ كەلەدى. قازىرگى ۋاقىتتا نۇر-سۇلتاندا بۇل جوبا بويىنشا 1049 بيزنەس سۋبەكتىسى جۇمىس ىستەيدى, دەپ حابارلايدى Egemen.kz ەلوردا اكىمدىگىنە سىلتەمە جاساپ.
جوبا اياسىندا 62 فيتنەس-كلۋب, 27 سپا-ورتالىق, 17 باسسەين, 3 بوۋلينگ-كلۋب, 42 كومپيۋتەر كلۋبى, 33 ساۋنا, 760 قوعامدىق تاماقتانۋ ۇيىمى, 11 كينوتەاتر, 7 تەاتر, 5 كونتسەرتتىك ۇيىم, 9 بيليارد كلۋبى, 3 كورمە ورتالىعى, 19 لوتوكلۋب, جوبانىڭ 43 ەرىكتى قاتىسۋشىسى, 4 قوناق ءۇي جانە 5 بالالار ويىن-ساۋىق ورتالىعى جۇمىس ىستەيدى.
حابارلامادا ايتىلعانداي, تاعى 40-قا جۋىق قوعامدىق تاماقتاندىرۋ نىسانى جوباعا قوسىلۋعا نيەت بىلدىرگەن.
«Ashyq» پيلوتتىق جوباسى ءبىرىنشى كەزەكتە كەلۋشىلەر مەن پەرسونالدىڭ قاۋىپسىزدىگىن قامتاماسىز ەتۋگە مۇمكىندىك بەرەدى. سونداي-اق سول ايماقتاعى ەپيدەميولوگيالىق جاعدايعا قاراماستان بيزنەستىڭ, كاسىپكەرلىك نىساندارىنىڭ شەكتەۋسىز جۇمىس ىستەۋىنە مۇمكىندىك بەرىلەدى.