ەلورداداعى ابىلاي حان داڭعىلى بويىندا 38 جانە 40 جاستاعى اپالى-سىڭلىلەر ۇستالدى, دەپ حابارلايدى Egemen.kz قالالىق پد ءباسپاسوز قىزمەتىنە سىلتەمە جاساپ.
ايەلدەردى جەكە ءتىنتۋ بارىسىندا سالماعى شامامەن 5 گرامم بولاتىن «سكوروست» سينتەتيكالىق ەسىرتكى زاتى تابىلدى. اقمولا وبلىسىنان كەلگەن اپالى-سىڭلىلەردىڭ كراۆتسوۆ كوشەسى بويىندا جالعا العان پاتەرىن ءتىنتۋ بارىسىندا تارازى جانە قۇپيا ورىنعا قالدىرىپ كەتۋگە دايىن 15 وراما جانە 90-نان استام دوزاعا جەتكىلىكتى سينتەتيكالىق ەسىرتكى تاركىلەندى.
اتالعان فاكتى بويىنشا قىلمىستىق ءىس قوزعالدى. وسى رەتتە قالالىق پوليتسيا دەپارتامەنتى ەسىرتكى زاتتارىن زاڭسىز ساقتاۋ جانە تاراتقانى ءۇشىن جاۋاپكەرشىلىك بار ەكەندىگىن ەسكەرتەدى.