ەسكە الۋ كونتسەرتى ءوتتى

قازاقتىڭ كۇي ونەرىندە قۇر­­مان­عازى, داۋلەتكەرەي سە­كىلدى ۇلىلاردىڭ  سارا جولىن جال­عاپ, ءوزى دە تۇعىرلى تۇلعاعا اي­نالعان قارشىعا اعامىزدىڭ ورنى بولەك. جاسىنان اكەسىنىڭ ءتالىمىن الىپ, ون ساۋساعىنان ونەر تام­عان كۇيشى بالا اتانعان ونى قۇرمانعازى  وركەسترىنە نۇ­راحمەت جورابەكوۆ جەتەك­تەپ الىپ كەلگەن.  ول وسى ور­كەس­تردە قىزمەت ىستەي ءجۇ­رىپ, كون­سەرۆاتوريانىڭ  حا­لىق اس­پاپتارى فاكۋلتەتىن ءتامام­داي­دى. 1973 جىلدان كۇي اتاسى اتىنداعى وركەستردىڭ باس دومبىراشىسى, 1988-1991 جىلدارى وركەستر ديريجەرى بولدى. 1991 جىلدان قۇرمانعازى كونسەرۆاتورياسىندا دومبىرا كافەدراسىنىڭ مەڭگەرۋشىسى بولىپ, شاكىرت تاربيەلەدى. ۇلعاتتى ۇستازدىق قىزمەتىمەن بىرگە, قۇر­مانعازى, داۋلەتكەرەي, ماحام­بەت, دينا نۇرپەيىسوۆا جانە ت.ب. كۇيشىلەردىڭ شىعارمالارىن نو­تاعا ءتۇسىرىپ, تالاي عاسىر ۇرپاق كا­دەسىنە جارايتىن مۇرا قالدىردى.

اتاقتى كۇيشىگە ارنالعان مازمۇندى ءىس-شارا قارشىعا اعامىزدىڭ الماتىداعى ءوزى تۇرعان ۇيىنە ەسكەرتكىش تاق­تا­نىڭ قويىلۋىمەن باستالدى.  وعان مادەنيەت جانە سپورت ۆي­تسە-ءمينيسترى نۇرعيسا داۋە­شوۆ, الماتى قالاسى ما­دەنيەت باس­قارماسىنىڭ باسشىسى عاني ماي­­­لىباەۆ, قۇرمانعازى ور­كەس­ترى­نىڭ ديرەكتورى مەدەت قۋا­­نى­شەۆ,  قۇر­مانعازى اتىن­داعى

كونسەرۆاتوريا رەكتورى ارمان جۇدەباەۆ قاتىسىپ, تا­لانتتى تۇلعانىڭ ادامي بول­مىسى مەن ونەرى تۋرالى ەستە­لىكتەرىمەن ءبولىستى.

ودان كەيىن تاعىلىمدى كەش قارشىعا اعامىز 25 جىل قىزمەت ىستەگەن قۇرمانعازى اتىنداعى قا­زاق ۇلتتىق حالىق اسپاپتارى وركەسترىنىڭ كونتسەرتىنە ۇلاستى. الدىمەن مۇندا مادەنيەت جانە سپورت ءمينيسترى اقتوتى رايىم­قۇلوۆانىڭ قۇتتىقتاۋى وقىل­دى. كەش بارىسىندا داڭق­تى كۇيشىنىڭ «كۇي ۇران», «اق قايىڭ», «جەر انا», «ار­پالىس», «جۇلدىزىم» جانە ت.ب بى­رەگەي تۋىندىلارى ورىندالىپ, جي­نالعاندار ارداقتى ازامات­تىڭ اسىل مۇراسىمەن تاعى ءبىر قاۋى­شىپ, اسەرلى كوڭىل كۇيگە بولەندى.

سونىمەن بىرگە جۇرتشىلىق كەش اياسىندا  قارشىعا احمە­دياروۆتىڭ ونەگەلى ومىرىنەن سىر شەرتەتىن سۋرەتتەرى مەن كۇيشىنىڭ جەكە تۇتىنعان بۇيىمدارى, قا­سيەتتى قارا دومبىراسى جانە مەم­لەكەتتىك ماراپاتتارى قو­يىل­عان كورمەنى تاماشالادى.