قوستاناي وبلىسىندا اۋىل ىشىنە قاسقىر كىرىپ, ەكى ادامدى تالاعان. وقىس وقيعا مەڭدىقارا اۋدانىنا قاراستى ۇزىناعاش ەلدى مەكەنىندە بولدى, دەپ حابارلايدى Egemen.kz «Qazaqstan» ۇلتتىق تەلەارناسىنا سىلتەمە جاساپ.
الدىمەن ءتۇز تاعىسى 19 جاستاعى جىگىتكە شابۋىل جاساعان. ودان كەيىن سيىر ساۋعا شىققان ايەلگە تاپ بەرىپتى. ەكەۋىنىڭ دە قول-اياعىن تىستەلەپ تاستاعان. كومەككە كەلگەن جەرگىلىكتى تۇرعىندار قاسقىردى اتىپ ءولتىردى. سول كۇنى اۋىل ىشىندە ودان باسقا تاعى ءبىر ءتۇز تاعىسىن كورگەندەر بار.
«قاسقىردى اتىپ الدىق. بىراق ەندى نەشە قاسقىر دەپ ايتۋ قيىن. مۇمكىن ءبىر قاسقىر بولۋى مۇمكىن. تىستەلىنگەن 50 جاسار كەلىنشەك پەن 19 جاسار ستۋدەنت جىگىتتىڭ جاعدايلارى جاقسى. اۋدانعا پەرۆيازكا جاساتىپ, اپارىپ, ۋكالدارىن الىپ, ۇيلەرىندە باقىلاۋدا», دەدى قاراقوعا اۋىلدىق وكرۋگىنىڭ اكىمى تىلەۋقابىل دۇيسەنوۆ.