ەلورداداعى جول-كولىك وقيعاسى كىسى ولىمىمەن اياقتالدى, دەپ حابارلايدى Egemen.kz قالالىق پد ءباسپاسوز قىزمەتىنە سىلتەمە جاساپ.
«بۇگىن ساعات 11:25-تە ءۋاليحانوۆ كوشەسىمەن سەيفۋللين كوشەسىنە قاراي كەتىپ بارا جاتقان مارشرۋتتىق اۆتوبۋستىڭ 32 جاستاعى جۇرگىزۋشىسى بەلگىلەنبەگەن تۇستان جولدى كەسىپ وتپەك بولعان جاياۋ جۇرگىنشىنى باسىپ كەتتى. 73 جاستاعى ايەل العان جاراقاتتارىنىڭ سالدارىنان وقيعا ورنىندا قايتىس بولدى. وقيعانىڭ ءمان-جايى انىقتالىپ جاتىر. نۇر-سۇلتان قالاسىنىڭ پوليتسيا دەپارتامەنتى جول قوزعالىسى ەرەجەلەرىن قاتاڭ ساقتاۋدى ەسكەرتەدى. جۇرگىزۋشىلەرگە قىراعى جانە بارىنشا مۇقيات بولۋ كەرەك. جاياۋ جۇرگىنشىلەرگە جولدى بەلگىلەنگەن ورىنداردا عانا كەسىپ ءوتۋ قاجەت», دەدى نۇر-سۇلتان قالاسى پوليتسيا دەپارتامەنتىنىڭ ءباسپاسوز قىزمەتىنەن.