اتىراۋ وبلىسىنداعى تەڭىز كەنىشىندە تۇيىرشىكتەلگەن كۇكىرت شىعاراتىن زاۋىت جۇمىسىن باستادى, دەپ حابارلايدى Egemen.kz.
جاڭا زاۋىتتى قازاقستاندىق «Caspian Group Construction» جشس ەكى جىلعا جەتپەيتىن مەرزىمدە جابدىقتاردى ورناتىپ, ىسكە قوستى. زاۋىتتا جەرگىلىكتى 60-تان اسا ادامعا جۇمىس ورنى تابىلدى. ايىنا 40 مىڭ توننا تۇيىرشىكتەلگەن كۇكىرت وندىرىلەدى.
«تەڭىز كەنىشىنىڭ تۇيىرشىكتەلگەن كۇكىرتى افريكا, ەۋروپا, قىتاي جانە باسقا ەلدەردىڭ نارىعىنا ەكسپورتتالادى. كۇكىرتتى باسقارۋ جوسپارى اياسىندا جەرگىلىكتى كومپانيانىڭ مۇمكىندىگىن دامىتۋ كوزدەلىپ وتىر. سوندىقتان كۇكىرتتى وڭدەۋ قۋاتىن كەڭەيتەتىن جوبا جۇزەگە اسىرىلدى», دەيدى «تەڭىزشەۆرويل» جشس باس ديرەكتورى كەۆين لايون.
ونىڭ ايتۋىنشا, جەرگىلىكتى كومپانيالاردى دامىتۋ – كومپانيانىڭ نەگىزگى ستراتەگيالارىنىڭ ءبىرى. بۇل جوبا ەكولوگيالىق قاۋىپسىزدىكتى جاقسارتىپ, وندىرىستىك تاۋەكەلدەردى ازايتادى.
«زاۋىت ءپورتاتيۆتى جانە وڭاي جينالاتىن GXM3 قوندىرعىسىمەن جابدىقتالدى. تۇيىرشىكتەلگەن كۇكىرت شىعارۋ ءۇشىن الەمدەگى ەڭ وزىق تەحنولوگيالار قولدانىلىپ وتىر», دەيدى زاۋىت مەنەدجەرى عالياسقار يتيشەۆ.