پاۆلودار وبلىسى باياناۋىل اۋدانىندا سالىناتىن اۋماعى ۇلكەن ساياباققا 1 ميلليارد 51 ميلليون تەڭگە قارجى بولىنگەن, دەپ حابارلايدى Egemen.kz.
ساياباقتىڭ اشىلۋىن اۋدان حالقى اسىعا كۇتىپ ءجۇر, الايدا ساياباققا ورناتىلاتىن ەسكەرتكىشتەر ءوڭىر تۇرعىندارىنىڭ نارازىلىعىن تۋدىردى.
اۋماعى ۇلكەن ساياباققا قازاقتىڭ قوس باتىرى جاسىباي مەن ولجابايدىڭ مۇسىندەرى قويىلادى دەپ جوسپارلانۋدا, باعاسى-1 ملرد 51 ملن تەڭگە. تۇرعىندار ەسكەرتكىشكە تىم كوپ قاراجات جۇمساعانشا, وڭىردەگى شەشىلمەي جاتقان تۇيتكىلدى ماسەلەلەر وڭ باتىرلارىنىڭ ەسكەرتكىشى كوپشىلىكتىڭ قارسىلىعىن تۋدىردى. ويتكەنى تاس مۇسىندەرگە تىم كوپ قاراجات قاراستىرىپ وتىر, ونىڭ ورنىنا اۋدانداعى تۇيتكىلدى ماسەلەلەر شەشىلسە دەيدى.
«1 ميلليارد 50 ملن-عا قازىرگى جاعدايدا وسىنداي قىراۋار اقشانى جۇمساپ, قاجەت ەمەس دەپ ەسەپتەيمىز. ونىڭ سالاتىن جەرى دە قولايسىز. باسقا جەرگە سالۋعا بولادى. ونداي قىرۋار اقشا جۇمساماي, كەرەمەت ەسكەرتكىش ورناتۋعا بولادى دەپ ەسەپتەيمىز», دەيدى باياناۋىل اۋىلى ارداگەرلەر كەڭەسىنىڭ توراعاسى تىلەۋعالي مۋسين.
ءوڭىر باسشىسى قانات كارىموۆ اتالعان قاراجاتتىڭ بارلىعى بيۋدجەت ەسەبىنەن ەمەستىگىن العا تارتادى. 1 ملرد 51 ميلليون تەڭگەنىڭ 560 ميلليون تەڭگەسى دەمەۋشىلەردىڭ ەسەبىنەن دەيدى.
«جوبانىڭ جالپى قۇنى 934 ملن تەڭگە. ساياباققا تەك قانا ەسكەرتكىش ورناتىلمايدى, 600-دەن استام اعاش وتىرعىزىلادى دەپ جوسپارلانۋدا. 2,5 مىڭ شارشى مەتر گۇلزارلار, جاياۋ جۇرگىنشىلەر جولاعى, سونداي-اق 100-دەن استام جارىقتاندىرۋ ورىندارى, بالالارعا ارنالعان ويىن الاڭشالارى جاسالادى», دەيدى باياناۋىل اۋدانىنىڭ اكىمى قانات كارىموۆ.