قازاقستاندىقتار اراسىندا «e-Salyq ازامات» ءموبيلدى قوسىمشاسىندا كولىك سالىعى بويىنشا دەرەكتەردى تۇزەتۋ – جوعارى سۇرانىسقا يە قىزمەتكە اينالدى. سونداي-اق ازاماتتار بەلسەندى تۇردە دەكلاراتسيا (سەن 250) تاپرسىرىپ, سالىق ءاميانىن تولتىرۋدا, دەپ حابارلايدى Egemen.kz.
قازاقستان حالقى «e-Salyq ازامات» ءموبيلدى قوسىمشاسىن جارتى ميلليوننان استام رەت جۇكتەپ الدى. 13 مىڭعا جۋىق جەكە تۇلعا سالىق سالۋ وبەكتىلەرى تۋرالى دەرەكتەردى تۇزەتۋ قىزمەتىن پايدالاندى.
جالپىعا بىردەي دەكلاراتسيالاۋ شەڭبەرىندە دەكلاراتسيا تاپسىرۋ قىزمەتى بەلسەندى قولدانىلا باستادى. وسى پروتسەسكە ءبىرىنشى كەزەگىنە قاتىساتىن 484 مىڭ ازاماتتىڭ 271 095 ادامى دەكلاراتسياسىن ءموبيلدى قوسىمشا ارقىلى تاپسىردى.
سالىق ءاميانى قىزمەتىن 49 960 ازامات پايدالاندى. ولار ءوز شوتتارىن جالپى سوماسى 92 ميلليوننان استام تەڭگەمەن تولىقتىردى.
11511 ادام 472,5 ملن.تەڭگە شاماسىنداعى ارتىق تولەمدى سالىقتىڭ باسقا تۇرلەرىن تولەۋگە پايدالاندى نەمەسە اقشانى قايتارىپ الدى.
ەستەرىڭىزگە سالا كەتەيىك, «e-Salyq Azamat» ءموبيلدى قوسىمشاسىنىڭ پايدالانۋشىلارى اۆتوريزاتسيادان كەيىن سالىق بەرەشەگىن, جۇمىس بەرۋشىنىڭ قىزمەتكەرگە سالىق تولەۋىن كورە الادى جانە ءجيى قويىلاتىن سۇراقتارعا جاۋاپ تابا الادى.