تەننيستەن قازاقستاننىڭ ەرلەر قۇراما كومانداسى مۇشەلەرىنىڭ ەكەۋى دە پاريجدە ءوتىپ جاتقان «رولان گارروس» تۋرنيرىندە جەڭىلىس تاۋىپ, جارىس جولىنان شىعىپ قالدى, دەپ حابارلايدى Egemen.kz.
بۇعان دەيىن ءبىز ميحايل كۋكۋشكيننىڭ يسپانيالىق الەحاندرو داۆيدوۆيچ-فوكينادان ۇتىلعانى جايىندا جازعان ەدىك. ودان كەيىن الەكساندر بۋبلي ءسۇرىندى. ول الەمنىڭ ەكىنشى راكەتكاسى دانيل مەدۆەدەۆپەن كۇش سىناسقان ەدى. 25 جاستاعى رەسەي تەننيسشىسى 2019 جىلى US Open ءتۋرنيرىنىڭ فينالىندا ويناسا, بيىل اۋستراليانىڭ اشىق بىرىنشىلىگىندە دە ءدال سول مەجەگە دەيىن جەتتى. ودان بولەك, مەدۆەدەۆتىڭ اتر دودالارىندا 10 مارتە باس جۇلدەنى ولجالاعانىن ايتا كەتۋگە ءتيىسپىز. وسىنداي مىقتى ويىنشىعا بۋبليكتىڭ ءالى جەتپەدى – 3:6, 3:6, 5:7.
ايەلدەر سايىسىندا ەلەنا رىباكينا باستاعان جەڭىستى جولدى زارينا دياس جالعاستىردى. جەرلەسىمىز WTA تىزىمىندە 68 ورىندا تۇرعان ۇلىبريتانيالىق حيزەر ۋوتسوننان ايلاسىن اسىردى – 6:4, 7:5. كەلەسى كەزەڭدە زارينا بەلگيالىق ەليسە مەرتەنسپەن كەزدەسسە, ەلەنا جاپونيالىق ناو حيبينومەن شەبەرلىك بايقاسادى. سونداي-اق, بۇگىن يۋليا پۋتينتسەۆا تۋنيستىك ونس جابەرگە قارسى وينادى.