وتكەن دەمالىس كۇندەرى ەلوردانىڭ دەنساۋلىق ساقتاۋ باسقارماسىنىڭ قويمالارىنا وتاندىق ۆاكتسينانىڭ 6 مىڭ دوزاسى جەتكىزىلدى. ياعني ءبىرىنشى جانە ەكىنشى كومپونەنتتىڭ ارقايسىسىنان 3 000 دوزادان جەتكىزىلدى, دەپ حابارلايدى Egemen.kz.
قالالىق قوعامدىق دەنساۋلىق ساقتاۋ باسقارماسىنىڭ مالىمەتىنشە, قازاقستاندىق ۆاكتسينا مەديتسينالىق ۇيىمداردا دا, سوو مەن ساۋدا ۇيلەرىندە دە ەگىلەدى.
«QazVac ۆاكتسيناسى دەمالىس كۇندەرى جەتكىزىلدى. بۇل جولى ۆاكتسينالار بمسك ۇيىمدارىنا, سوو جانىنداعى ەگۋ پۋنكتەرىنە تاراتىلدى. ياعني, ازاماتتار QazVac-تى ءوز قالاۋى بويىنشا قالاداعى ۆاكتسيناتسيالاۋ پۋنكتتەرىنەن الا الادى», دەپ اتاپ ءوتتى باسقارما حابارلاماسىندا.
بۇگىنگى تاڭدا ەلوردادا ۆاكتسيناتسيانىڭ 1 كومپونەنتىن 170 مىڭعا جۋىق ادام قابىلدادى. ال باسقارما قويمالارىندا «سپۋتنيك-V» پرەپاراتىنىڭ 1 كومپونەنتىنىڭ شامامەن 12 مىڭ دوزاسى جانە قىتايلىق Hayat Vax 1 كومپونەنتىنىڭ شامامەن 18 مىڭ دوزاسى بار.