تۇركىستان وبلىسىنىڭ پوليتسەيلەرى ءيىسشىل ءيتتىڭ كومەگىمەن شەكارادان ماريحۋانا الىپ وتپەك بولعان جىگىتتى ۇستادى, دەپ حابارلايدى Egemen.kz.
سارىاعاش اۋداندىق پوليتسيا بولىمىنە ۇقك شەكارا قىزمەتى سارىاعاش اۋداندىق باسقارماسىنىڭ «قاپلانبەك» شەكارا باقىلاۋ بەكەتىنەن حابارلاما تۇسكەن.
تۇنگى ساعات 23:00 شاماسىندا «روتار» اتتى ءيىسشىل يت قازاقستاننان وزبەكستان رەسپۋبليكاسىنا جاياۋ ءوتىپ بارا جاتقان جۇرگىنشىگە ءۇرىپ, بەلگى بەرگەن.
تەكسەرۋ بارىسىندا ونىڭ قالتاسىنان ەسىرتكىگە ۇقساس زات تابىلىپ, ايعاق رەتىندە پوليتسەيلەر ساراپتاماعا جىبەرگەن. ناتيجەسىندە 3 گر-عا جۋىق «ماريحۋانا» ەكەنى بەلگىلى بولدى.
وسى وقيعا بويىنشا ءتارتىپ ساقشىلارى قر قك 286-بابى بويىنشا قىلمىستىق ءىس قوزعادى. كۇدىكتى ازامات شىمكەنت قالاسىنىڭ تۇرعىنى ەكەنى انىقتالدى.
قازىرگى تاڭدا كۇدىكتىگە قاتىستى سوتقا دەيىنگى تەرگەپ-تەكسەرۋ امالدارى جۇرگىزىلۋدە.