نۇر-سۇلتان قالاسى سپورت مەكتەپتەرىنىڭ بالالارى اراسىندا بۇقارالىق ۆەلوجارىس ءوتتى. بالالاردى قورعاۋ كۇنىنە, سونداي-اق ەل تاۋەلسىزدىگىنىڭ 30 جىلدىعىنا ارنالعان ءىس-شاراعا بالالار مەن جاسوسپىرىمدەردەن قۇرالعان 200-گە جۋىق ادام قاتىستى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
ۆەلوجارىسقا قاتىسۋشىلار ءۇش شاقىرىم قاشىقتىقتى ۆەلوسيپەدپەن ءجۇرىپ ءوتتى. ۆەلوجارىس سوڭىندا قاتىسۋشىلار اراسىندا ۇتىس ويىنى ويناتىلىپ, باعالى سىيلىقتار, ۆەلوسيپەدتەر, ۆەلوسپورتقا قاجەتتى قۇرال-جابدىقتار تابىستالدى.
سونداي-اق «ۆيترينا نەدۆيجيموستەي» جشس اتىنان نومەرى №6 بالالار مەن جاسوسپىرىمدەردىڭ مامانداندىرىلعان وليمپيادالىق رەزەرۆ سپورت مەكتەبىنىڭ وقۋشىلارىنا ۆەلوسيپەدكە ارنالعان باس كيىمدەر تابىستالدى.
ۆەلوجارىس كارانتين شارالارىن ساقتاي وتىرىپ ۇيىمداستىرىلدى.