بقو-دا جۇرگىزۋشى اۆتوكولىگىمەن جايىق وزەنىنە باتىپ كەتتى

بقو تج دەپارتامەنتىنىڭ ءباسپاسوز قىزمەتىنىڭ مالىمدەۋىنشە, ءبىرىنشى وقيعا 30 مامىر كۇنى اقجايىق اۋدانى ەسەنساي اۋىلى تۇسىندا جايىق وزەنىندە بولدى.

ساعات 15.24-تە ەسەنسايدان چاپاەۆقا قاراي جەتكىزەتىن پارومدا تەجەگىش قۇرالىنىڭ اقاۋى سالدارىنان «ۆاز-2121» اۆتوكولىگى سۋعا كەتتى. ونىڭ ىشىندە 49 جاستاعى جۇرگىزۋشى بولعان.

ساعات 19.14-تە جەدەل قۇتقارۋ جاساعىنىڭ كۇشىمەن (4 ادام, 1 تەحنيكا) جۇرگىزۋشىنىڭ مۇردەسى مەن اۆتوموبيل سۋدان شىعارىلدى.

سونداي-اق تاعى ءبىر قايعىلى وقيعا جەكسەنبى كۇنى بايتەرەك اۋدانى پەرەمەتنىي اۋىلىندا بولدى. ساعات 19.00-دە دەركول وزەنىنە شومىلۋعا بەلگىلەنبەگەن جەردەن تۇسكەن 24 جاستاعى جىگىتتىڭ دەنەسىن كۋاگەرلەر الىپ شىققان. ول بەلگىسىز جاعدايدا باتىپ كەتكەن.

بقو تج دەپارتامەنتى سۋدا قاۋىپسىزدىك ەرەجەسىن ساقتاۋ قاجەتتىگىن تاعى دا ەسكە سالادى.