شىمكەنتتە اتتراكتسيوننان قۇلاپ, مەرت بولعان 17 جاستاعى ءجاسوسپىرىمنىڭ ءولىمى بويىنشا قىلمىستىق ءىس قوزعالدى, دەپ حابارلايدى Egemen.kz شىمكەنت قالاسىنىڭ پد ءباسپاسوز قىزمەتىنە سىلتەمە جاساپ.
«كامەلەتكە تولماعان بالانىڭ تەحنوساياباقتا قايتىس بولۋ فاكتىسى بويىنشا شىمكەنت قالاسىنىڭ پد ءال-فارابي اۋدانى پوليتسيا باسقارماسىنىڭ قىزمەتكەرلەرىمەن قر قك 156-بابىنىڭ 3-بولىگىنە سايكەس قىلمىستىق ءىس تىركەلدى. سوت-مەديتسينالىق ساراپتاما تاعايىندالدى. قازىرگى ۋاقىتتا سوتقا دەيىنگى تەرگەپ-تەكسەرۋ امالدارى جۇرگىزىلۋدە», دەلىنگەن حابارلامادا.