الماتى وبلىسىنىڭ شارىن شاتقالىندا سەل ءجۇرىپ, 2 ادام مەرت بولدى. تاعى 6 ادام زارداپ شەكتى, دەپ حابارلايدى Egemen.kz.
تاراتقان حابارلامادا, كوز جۇمعان ادامنىڭ ءبىرى كامەلەتتىك جاسقا تولماعان ءجاسوسپىرىم ەكەندىگى ايتىلعان.
«29 مامىر كۇنى كۇندىزگى ساعات 13:35 شاماسىندا شارىن شاتقالىندا سەل ءجۇرىپ ەكى ادامنىڭ مەرت بولعانى جونىندە حابارلاما ءتۇستى. ونىڭ بىرەۋى كامەلەتتىك جاسقا تولماعان ءجاسوسپىرىم. زارداپ شەككەندەرگە جەدەل تۇردە مەديتسينالىق كومەك كورسەتىلدى», دەپ مالىمدەدى الماتى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنەن.
رەسمي اقپاراتقا سايكەس, قازىر وقيعا ورنىندا 31 قۇتقارۋشى, 8 تەحنيكا جانە جەدەل جاردەمنىڭ 4 كولىگىمەن 6 قىزمەتكەرى جۇمىس ىستەپ جاتىر.