فۋتبولدان قازاقستان پرەمەر-ليگاسىنىڭ 13 تۋر اياسىندا الماتىنىڭ «قايراتى» مەن قىزىلوردانىڭ «قايسارى» كۇش سىناستى, دەپ حابارلايدى Egemen.kz.
الماتىداعى ورتالىق ستاديوندا وتكەن ويىندا باسەكە تاعدىرىن ءبىر عانا گول شەشتى. كەزدەسۋدىڭ 33-مينۋتىندا الاڭ يەلەرى ساپىنداعى قوس لەگيونەر – ۆاگنەر لاۆ پەن حوسە كانتە تاماشا كومبيناتسيا ۇيىمداستىرىپ, اقىرى سوڭعىسى نىسانانى ءدال كوزدەدى – 1:0. ودان كەيىن قوس كوماندا ويىنشىلارى قانشا جانتالاسقانىمەن, تابلوداعى ەسەپ وزگەرگەن جوق.