ۇلتتىق اكادەميالىق كىتاپحانادا « ۇلىق ۇلىس - التىن وردا: باستاۋى, تاريحى جانە مۇراسى» حالىقارالىق عىلىمي-تاجىريبەلىك كونفەرەنتسياسى ءوتتى. وندا قر پرەزيدەنتى اكىمشىلىگى باسشىسىنىڭ ءبىرىنشى ورىنباسارى داۋرەن اباەۆ ءسوز سويلەدى, دەپ حابارلايدى Egemen.kz.
ء«وز ۇلىلىعىڭا ماستانۋ, تاريحتى ميفپەن ارالاستىرۋ, وتكەنىمىزدى اسىرە ماقتانعا اينالدىرۋ – ورگە باستامايدى. كەرىسىنشە, ءبىز تاريحتى كونيۋنكتۋرادان تىس زەرتتەپ, اقتاڭداقتار اقيقاتىن اشىپ, شەشۋشى وقيعالار جەلىسىن مۇقيات قايتا قالپىنا كەلتىرۋگە ءتيىسپىز.
پرەزيدەنتتىڭ تاپسىرماسىنا سايكەس جاقىندا ءبىلىم جانە عىلىم مينيسترلىگىنىڭ جانىنان قۇرىلاتىن جوشى ۇلىسىن زەرتتەيتىن عىلىمي ينستيتۋت تا نەگىزىنەن وسى ماقساتتى كوزدەيدى.
ينستيتۋت اتاۋىنىڭ ءوزى ايتىپ تۇرعانداي, ءبىز تالاس قۇرىلتايىنان باستاپ كەنەسارىنىڭ قازاسىنا دەيىنگى تاريحي ءداۋىردى ءبىرتۇتاس كەزەڭ دەپ قابىلدايمىز», دەدى د.اباەۆ.