تۇركىستان وبلىسى تاۋلارىنان تابىلعان 3 ستۋدەنت قۇتقارۋشىلارعا ەكى توپقا بولىنگەنىن ايتتى, دەپ حابارلايدى Egemen.kz.
تۇركىستان وبلىسى تاۋلارىندا جوعالىپ كەتكەن جەتى تۋريستتەر ەكى توپقا بولىنگەن. بۇل تۋرالى قازاقستان تجم رەسمي وكىلى تالعات ءۋالي مالىمدەدى. قالعان تورتەۋىنىڭ ازىرشە قايدا ەكەنى بەلگىسىز.
بۇعان دەيىن 28 مامىردا اەروۆيزۋال ۇشۋ بارىسىندا «قازاۆياقۇتقارۋ» تىكۇشاعىمەن سايرام-وگەم شاتقالىندا جوعالىپ كەتكەن جەتى ادامنىڭ ۇشەۋى تابىلعانى حابارلانعان بولاتىن. ولاردىڭ جاعدايى قاناعاتتانارلىق. قالعان تۋريستەردى ىزدەۋ جالعاسىپ جاتىر.
ەسكە سالايىق, 27 مامىر كۇنى نازارباەۆ ۋنيۆەرسيتەتىنىڭ ءباسپاسوز قىزمەتى تۇركىستان وبلىسى تاۋلارىندا جوعالىپ كەتكەن جەتى ساياحاتشىنىڭ التاۋى جوو ستۋدەنتتەرى ەكەنىن حابارلاعان بولاتىن.
21 مامىردا ۋنيۆەرسيتەتتىڭ التى ستۋدەنتى جانە كەنتاۋ قالاسى ليتسەي-ينتەرناتىنىڭ تۇلەگى تۇركىستان وبلىسىنداعى تاۋلارعا 4-5 كۇنگە جاياۋ ساياحاتقا شىعىپ كەتكەن.