اتىراۋعا كوروناۆيرۋس ينفەكتسياسىنا قارسى ۆاكتسينانى تاسىمالدايتىن 5 مۇزداتقىش كامەرا جەتكىزىلدى, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىنىڭ اقپاراتىنا سۇيەنسەك, بۇدان بۇرىن «تەڭىزشەۆرويل» جشس-ءنىڭ دەمەۋشىلىگىمەن كولەمى مەن سىيىمدىلىعى ءار ءتۇرلى 28 مۇزداتقىش كامەراسى جەتكىزىلگەن. ەندى تاعى دا 5 مۇزداتقىش كامەراسى الىنىپ وتىر.
«اتالعان كومپانيا 4,5 ملرد تەڭگەدەن استام قارجىعا مەديتسينالىق جابدىقتار مەن كوروناۆيرۋس ينفەكتسياسىنا قارسى قولدانىلاتىن قۇرالداردى ساتىپ الۋعا دەمەۋشىلىك قولداۋ كورسەتتى. اتاپ ايتقاندا, اتىراۋ وبلىسىنىڭ تۇرعىندارى ءۇشىن 648 مىڭ جەكە قورعانىس قۇرالى, 56 وتتەگى كونتسەنتراتورى, 252 مەديتسينالىق جابدىق, 20 وكپە جاساندى جەلدەتۋ اپپاراتى, سونداي-اق 4 پتر-سىناماسىنىڭ قوندىرعىسى ساتىپ الىندى» دەپ حابارلادى باسقارمانىڭ ءباسپاسوز قىزمەتى.