قازاقستان مەن بەلگيا اراسىندا پارلامەنتارالىق بايلانىس ودان ءارى نىعايا تۇسەدى. بۇل تۋرالى قازاقستان پارلامەنتى ءماجىلىسىنىڭ توراعاسى نۇرلان نىعماتۋليننىڭ بەلگيا كورولدىگىنىڭ فەدەرالدىق پارلامەنتى وكىلدەر پالاتاسىنىڭ سپيكەرى ەليان تيليومەن كەزدەسۋىندە ايتىلدى, دەپ حابارلايدى Egemen.kz.
باسقوسۋ بەينەكونفەرەنتسيا فورماتىندا ءوتتى. سپيكەرلەر ەكى ەل اراسىنداعى ىنتىماقتاستىقتى ارتتىرىپ, ساياسي جۇيەنى جاڭعىرتۋ ماسەلەلەرىن تالقىلادى.
نۇرلان نىعماتۋلين مەملەكەت پەن قوعام اراسىنداعى ديالوگتى كەڭەيتۋ, سونداي-اق وسى باعىتتاعى قازاقستاندىق زاڭنامانى جەتىلدىرۋ تۋرالى ايتتى.
ءوز كەزەگىندە ەليان تيليو ەكى ەل اراسىنداعى ديپلوماتيالىق قاتىناستىڭ ورناعانىنا 30 جىل تولاتىنىن اتاپ ءوتىپ, قالىپتاسقان ساياسي-ەكونوميكالىق بايلانىستى ودان ءارى نىعايتۋعا نيەتتى ەكەنىن جەتكىزدى.