Air Astana 2021 جىلدىڭ 3 ماۋسىمىنان باستاپ نيدەرلاند ۇكىمەتىنىڭ جىل باسىنداعى شەكتەۋلەرى سالدارىنان توقتاتىلعان اتىراۋدان امستەردامعا قاتىنايتىن تىكەلەي رەيستى قايتا قوسادى, دەپ حابارلايدى Egemen.kz.
رەيس اپتاسىنا ءبىر رەت ءار بەيسەنبى سايىن Airbus A321 ۇشاعىمەن ورىندالادى. ۇشاق جەرگىلىكتى ۋاقىت بويىنشا اتىراۋدان تاڭعى ساعات 05:40-تا ۇشىپ, امستەردامعا 07:50-دە قونادى. ال امستەردامنان 11:50-دە ۇشقان ۇشاق اتىراۋعا جەرگىلىكتى ۋاقىت بويىنشا 19:40-تا كەلەدى. ۇشۋ ۋاقىتى – 5 ساعات 10 مين جانە 4 ساعات 50 مين.
اتىراۋ-امستەردام رەيسى قازىر ءار سارسەنبى سايىن ورىندالىپ جاتقان اتىراۋ-فرانكفۋرت رەيسىن تولىقتىرماق.